而打淥滷汁拌粉 (新都城中心二期)

營業中

休息中

好耐冇去台灣啦，見到新都城最近新開咗呢間台灣菜，主打加熱滷味及拌粉！▫️台風定食🔸而打淥猪三樣飯呢個餐會嘢飲及餐前小食送，三樣餸分別係猪手、猪耳及滷肉！猪手好大隻，炆得好淋好入味，個滷水汁係好香而唔係死鹹嗰隻，真係好好食😋而個滷肉份量都幾多，可以撈埋個飯一齊食，猪耳又係炆得好入味，淋得嚟有咬口😋▫️淺嚐三拼分別有醬香雞中翅、滷蓮藕片及煙韌滷豆干，雞翼好入味，但肉質依然嫩滑有口感，鹹度適中！蓮藕片及滷豆干味道都唔錯，整體份量好足夠。