羊鞍餐廳

營業中

休息中

屯馬線開通後，去九龍城食飯真係好方便，一出宋皇台站就見到不同食肆，好耐無食過鐵板餐，今晚就同朋友過咗嚟羊鞍餐廳 食嘢。餐廳主打懷舊鐵板餐，店內裝潢簡潔。卡座坐得舒服。鐵板餐和晚餐都配有餐湯同多士，忌廉湯味道creamy,多士烘得香脆，有蒜蓉香味。火焰羊架鐵板餐，羊架用鐵板盛載，有三大件，配菜有薯條、粟米粒、西蘭花同車厘茄。上檯後，店員會在客人面前將酒點火，之後淋上羊架，讓酒香帶出肉味，熊熊火焰，夠晒氣氛。羊架生熟度剛剛好，中間仲有粉紅嫩心，入口嫩滑又無羶味。薯條外脆內軟，香脆可口！黑松露醬鮮什菌燴天使麵配香煎鵝肝，鵝肝煎至金黃色，口感絲滑綿密，入口即化。幼細的天使麵完美地吸收 黑松露和 忌廉汁的濃郁和Creamy的味道，又香又滑又好味！套餐加12蚊轉特飲雪糕紅豆冰：紅豆夠林，加咗花奶和雪糕，口感滑溜又香甜。甜品係啫喱，加些花奶特別好食。點主菜可以用優惠價配一款小食，芝士田螺焗釀大啡菇：田螺口感煙韌，大啡菇上鋪滿芝士，焗至金黃色，味道濃郁惹味！伴碟嘅沙律味道清新。