樂香園咖啡室 (已結業)

蛇竇對於中環人黎講一定唔會陌生，見佢日日lunch排哂長龍就知一定有佢個人之處！黎蛇竇肯定要食佢o既炒滑蛋，碟頭飯每款$38，見過有人響原本個飯另加腸加餐肉都得，我估計只要加錢你想加乜都得！我地次次都係例牌叫叉燒炒蛋飯多多多蔥！呢度o既炒滑蛋先係重點，叉燒/牛肉/蝦都係配角！阿姐亦好比面多蔥真係啖啖都有蔥！臨走時好多人都會順手買件雞批/雜批$9 做下午餐，叮返熱個批皮好有牛油香，係傳統舊式茶室先食到呢個咁鬆化o既牛油香味！