鳥元炸雞專門店

營業中

休息中

去悅來坊買野，女友帶我去食野，佢話呢度d炸雞幾好食，捉埋我嚟食下！呢度主要做外賣，另有一個鋪位做堂食，地方唔算大，不過都坐到幾圍檯，想即食香脆炸雞都ok! 呢度主打日式，日式丼飯，咖哩，炸雞，牛肉，雞肉都有供應！我就叫左個和風牛肉咖哩飯，份量十足，牛肉味香濃，咖哩甜甜香香的飯用上珍珠米，香棉黏口帶點甜！炸雞賣相吸引，唔油膩，份量都唔錯！新鮮炸出嚟非常香脆，入面又有肉汁，唔會炸到太乾身，食落啖啖肉又無骨，非常過癮！凍檸茶就香香甜甜，帶點茶香！2人埋單140 左右，人均消費70 左右，都幾抵食，值得推介！