影片
更多
2021-04-04
101 瀏覽
呢間甜品小店已經食過幾次，每次喺附近食完晚餐都要去食返個甜先夠喉。去親都要排隊，算係ktown人氣小店。因為啲甜品真係高質👍🏻，食咗幾次都覺得回味無窮，好想試晒所有嘢呀！🍦阿華田熔岩心太軟配乳酪雪糕 $52心太軟熱辣辣送上嚟已經好香，熔岩呢兩個字真係冇形容錯。本身想督開佢睇吓幾流心，點知太大力一嘢督到佢爆漿😂(去片)，整污糟人哋地方真係唔好意思😭🙏🏻。入面嘅醬真係爆餡咁濟，外脆內軟，阿華田味好濃。表面灑滿阿華田同朱古力粉，仲有啲脆脆，連埋一齊食口感超正。本來以為個心太軟已經好驚喜，點知個乳酪雪糕更驚為天人😍！自家製嘅乳酪雪糕食入口特別香濃，入口即化，些微酸酸地又中和咗個心太遠嘅甜味，超夾💯！👅評分：9/10🍨雪糕芭菲杯 $48芭菲杯有6-7隻口味，我哋揀咗黃色💛。配料有蜂蜜🍯、爆爆珠、桂花🌼、粟米片同甜筒，啱晒鍾意豐富口感嘅我。個雪糕其實就係上面個乳酪雪糕🍦，本身已經好好食，再加埋蜜糖同桂花就酸酸甜甜咁，啲桂花香更係增添咗獨特嘅香氣，同樣十分推薦呀。👅評分：9/10💬後記：呢間嘅芋圓都十分推介，真係基本上樣樣都好味😋唯一問題就係店面不大所以要排隊哈哈🤣。最近佢哋好似趁愚人節推出咗芫茜味
🍦阿華田熔岩心太軟配乳酪雪糕 $52
心太軟熱辣辣送上嚟已經好香，熔岩呢兩個字真係冇形容錯。本身想督開佢睇吓幾流心，點知太大力一嘢督到佢爆漿😂(去片)，整污糟人哋地方真係唔好意思😭🙏🏻。入面嘅醬真係爆餡咁濟，外脆內軟，阿華田味好濃。表面灑滿阿華田同朱古力粉，仲有啲脆脆，連埋一齊食口感超正。本來以為個心太軟已經好驚喜，點知個乳酪雪糕更驚為天人😍！自家製嘅乳酪雪糕食入口特別香濃，入口即化，些微酸酸地又中和咗個心太遠嘅甜味，超夾💯！
👅評分：9/10
阿華田熔岩心太軟配乳酪雪糕
$52
6 瀏覽
0 讚好
0 留言
🍨雪糕芭菲杯 $48
芭菲杯有6-7隻口味，我哋揀咗黃色💛。配料有蜂蜜🍯、爆爆珠、桂花🌼、粟米片同甜筒，啱晒鍾意豐富口感嘅我。個雪糕其實就係上面個乳酪雪糕🍦，本身已經好好食，再加埋蜜糖同桂花就酸酸甜甜咁，啲桂花香更係增添咗獨特嘅香氣，同樣十分推薦呀。
👅評分：9/10
雪糕芭菲杯
$48
6 瀏覽
0 讚好
0 留言
💬後記：呢間嘅芋圓都十分推介，真係基本上樣樣都好味😋唯一問題就係店面不大所以要排隊哈哈🤣。最近佢哋好似趁愚人節推出咗芫茜味心太軟，鍾意芫茜嘅fans唔好錯過啦！
張貼
