麥當勞

營業中

休息中

麥當勞既雪糕出名好好食 間唔中會出一啲特別既味道雪糕 每次既味道都好吸引 而且個價錢又好平 唔洗十蚊已經可以食到杯好好味既雪糕 今次麥當勞又再一次推出珍珠奶茶系列 記得上一次食都唔係好耐既事 對上次係第一次食 果然冇失望過 真係好好食 今次都唔例外 一見佢出左即刻要去試下 始終個味道會隔一段時間就會轉下 同埋佢唔係間間既麥當勞都會有 只係得有甜品站既麥當勞先會有賣 所以都唔可以話周圍都有 可能一個地區有四至五間麥當勞 但只有一間係有甜品站 今次同朋友照舊食返珍珠奶茶新地 雪糕大大杯 雪糕有好重好濃味既奶茶味 呢點真係好重要 仲有好多粒煙煙韌韌既黑糖珍珠 食落甜甜地 再配埋奶茶雪糕呢個配搭真係好夾 呢個味道果然係冇失望過 有機會既會再食多次 絕對係值得一試