Helfit Lifestyle Club (已結業)

今日星期四，去開港島，原本去食泰國嘢，後來亞媽話不如去試下呢間，咁就上咗去。平日大約六點左右上到去，無訂枱可以wall in. 先頭部隊前菜，包括六個月的黑毛豬火腿配麵包、兩款莎律、仲有兩款湯。即係蘑菇湯同龍蝦湯，兩款都好濃，而個龍蝦湯仲有酒香添！主菜有香煎比目魚丶五成同七成熟的羊扒同安格斯牛＋鵝肝。而我覺得成晚最最最正的係甜品，有柚子蕉糖蛋，酸酸甜甜，好得！雲尼拿蘋果批，佢批係超薄身，有d似餅乾，配個雪糕又係一絕。個布丁平平無奇的賣相，但食落口個感覺又出奇咁得。三樣都非常出色。