劉興記生煎包專門店

營業中

休息中

經過大圍，見到呢間餐廳試業，但係入面已經好多人，主打係生煎包，即刻忍唔住入去試吓。招牌生煎包煎得好香脆，入邊肉汁亦都好多，餡料結實，配上芝麻更加香。蟹黃生煎包超級鮮甜，一咬落去就即刻食到蟹肉，呢個價錢可以食到蟹黃生煎包，性價比超高！雞絲酸辣湯麵估唔到份量咁大，湯底比較稠身，好足料，有好多木耳同埋菇菌，係粗身嘅上海麵，吸收晒啲湯，正。招牌擔擔麵好香好香嘅花生醬味，好濃郁，唔錯唔錯。豆漿甜度剛剛好，係呢個天氣飲杯凍嘅豆漿真係好舒服！