朱敏記桑拿菜 (已結業)

朋友介紹去呢間朱敏記桑拿菜，一入去見到幅牆大大隻字寫住金牌胡椒豬雜鍋，可以補肺止咳補中益氣！由於天氣太熱我哋都係叫咗啲小炒就算🤣 留返冬天再嚟試呢個招牌菜😊我哋一行三人大家都好食得辣，就叫咗三個辣嘅菜式永州血鴨：鴨肉切成小塊，完全浸透喺辣油之中，肉質鮮嫩多汁，用咗啲花椒八角一齊炒，除咗麻辣之外，食落更香口藤椒鵝腸：鵝腸份量好多，每一條都洗得乾淨冇異味，爽口彈牙，送酒一流小炒田螺：呢個係當晚我最愛，田螺雖然細細粒，但係撩出嚟隻隻啖啖肉，辣油完全冇掩蓋田螺嘅鮮味，我哋幾個成晚一邊吹水一邊食田螺好爽😆