六十六十火鍋 (已結業)

天氣開始有涼意，鍾意食海鮮嘅我，當然會諗起粥底火鍋啦😅！長沙灣有間（六十六十火鍋店）出名性價比高，價錢唔貴海鮮又新鮮，當然要幫瀙吓😊！價錢一D都唔貴，$200一位已經有八款海鮮和自選六款火鍋配料，重可以製作粥膽或者泡飯，超抵食👍👍！生熟蒜，辣椒粒，芫荽蔥都是免費的👏👏！蕃茄薯仔湯底，先打邊爐！全是新鮮的海鮮，放滿全枱！🦑魷魚好新鮮肉質有咬口！🦀，大大隻，肉質夠實！🦐蝦，肉質爽脆又鮮甜！重有鮑魚，聖子，蜆😌😌超滿足！火鍋配料方面，亦都有我至愛既花膠，滾一陣已經軟身，而且掛滿海鮮精華的湯汁，好入味！鮮准山，營養價值高，不是很多地方有得食，煮熟爽口，就算煮溶了，混合於泡飯內食，亦可以提升口感👍🏻👍🏻！最後食埋個蕃茄泡飯，精華所在，特別好食😅😅！