影片
更多
2020-06-19
1046 瀏覽
Kinship 中環 黃店💛❗️Diningcity買一送一優惠 必食米芝蓮主廚fusion西餐黃店❗️DiningCity推出Better in 2 買一送一嘅優惠，仲剩返11日咋💥其中一間餐廳居然係fusion西餐廳黃店Kinship🤩見到之後即刻book位！Kinship係由美國、英國名廚Chris Grare同曾經喺米芝蓮星級餐廳做過主廚嘅Arron Rhodes主理✨餐廳菜式獨特，感受全部都係用心配搭，無論係食材嘅選擇、烹調嘅方法、以致食物擺盤都一絲不苟。採取開放式廚房嘅設計，可以望到主廚認真烹調食物嘅過程，而且仲有個酒吧，環境非常之chill，適合慶祝🎊！Spring chicken ‘Lo Mai Ga’🐔$225 (free of charger under DiningCity promotion)將西式同港式菜式混合，製作出呢一度春雞糯米雞🤩一共有四件春雞髀，廚師已經起咗中間舊骨，所以食落啖啖肉，超級嫩🥰雞肉調味唔算濃，但配埋佢哋特色嘅糯米飯就一流！細細件圓柱形嘅糯米飯，臘腸香氣超重，勝過好多香港酒樓，一路食一路讚嘆不絕，一定要試👍🏻👍🏻👍🏻！味道: 4.7/5性價比:
❗️Diningcity買一送一優惠 必食米芝蓮主廚fusion西餐黃店❗️
DiningCity推出Better in 2 買一送一嘅優惠，仲剩返11日咋💥其中一間餐廳居然係fusion西餐廳黃店Kinship🤩見到之後即刻book位！Kinship係由美國、英國名廚Chris Grare同曾經喺米芝蓮星級餐廳做過主廚嘅Arron Rhodes主理✨餐廳菜式獨特，感受全部都係用心配搭，無論係食材嘅選擇、烹調嘅方法、以致食物擺盤都一絲不苟。
採取開放式廚房嘅設計，可以望到主廚認真烹調食物嘅過程，而且仲有個酒吧，環境非常之chill，適合慶祝🎊！
Spring chicken ‘Lo Mai Ga’🐔$225 (free of charger under DiningCity promotion)
將西式同港式菜式混合，製作出呢一度春雞糯米雞🤩一共有四件春雞髀，廚師已經起咗中間舊骨，所以食落啖啖肉，超級嫩🥰雞肉調味唔算濃，但配埋佢哋特色嘅糯米飯就一流！細細件圓柱形嘅糯米飯，臘腸香氣超重，勝過好多香港酒樓，一路食一路讚嘆不絕，一定要試👍🏻👍🏻👍🏻！
味道: 4.7/5
性價比: 4.4/5 (with DiningCity promotion)
Poached salmon🐟$228
呢度嘅poached salmon非常獨特，雖然用咗水煮方式烹調三文魚，但係表面添加左一層由奶油烘成嘅脆皮，保留到三文魚嘅鮮嫩，表層仲脆卜卜，口感一流🤤另外加埋茴香汁泡沫、焦糖洋蔥、青豆，成個菜式帶有奶油香，creamy得嚟唔膩，係少有煮得好食嘅三文魚扒😚！
味道: 4.6/5
性價比: 4.4/5 (with DiningCity promotion)
Burnt onion risotto (half portion)🧅$138
呢個其實係頭盤，但絕對夠晒飽肚，有得揀半份，但係份量同一般risotto差唔多😲每一粒飯都被洋蔥汁包圍着，非常欣賞飯粒al dente嘅口感👍🏻洋蔥味亦都非常濃郁，係一個濃縮版洋蔥湯，配埋隻細細炸蛋同埋炸脆蔥花，的確幾香口💥美中不足係洋蔥湯味道較酸，食多幾啖容易覺得膩🙈。比起出色嘅主菜，呢個相對冇咁突出。
味道: 4/5
性價比: 4.2/5
整體來講，非常推介呢一間餐廳‼️菜式用心、獨特，味道非常有驚喜，係間回味無窮、會想再三到訪嘅餐廳🤤🤤🤤而且仲要係黃店，超值得支持💛！
留意番DiningCity嘅優惠只係適用於其中四款主菜‼️除咗我嗌嘅春雞同埋三文魚之外，仲有一道蝦 freshwater prawns $250🦐同埋蘑菇 whole roasted maitake mushroom $188🍄，詳情可以留意番網址。
➡️BETTER IN 2
另外提醒大家，餐廳係喺半山馬莎對面，位於電梯旁，當日都係嗰度兜左一兜先搵得到🙈😂。
Spring chicken ‘Lo Mai Ga’
$225
36 瀏覽
0 讚好
0 留言
Poached salmon
$228
30 瀏覽
0 讚好
0 留言
Burnt onion risotto (half portion)
$138
131 瀏覽
0 讚好
0 留言
Burnt onion risotto (half portion)
$138
90 瀏覽
0 讚好
0 留言
張貼
