Al Forno Pizzeria (已搬遷) 新店位置

今晩約咗朋友聚舊，係中環區揾間唔係太貴又坐得舒服嘅餐廳真係難。咁啱朋友醒目，揾到呢間意大利菜。Craft beer ($48)又係香港嘅手工啤，呢幾年都試咗唔少。呢支叫追求，麥味都幾重，一路飲一路思考其實我又一直追求嘅啲咩呢？Beijing ($140)由鴨胸，青瓜，芝士，洋葱做成嘅 pizza 聽落好似好西式，其實最特别嘅就係個醬汁，因為用咗北京田鴨嘅甜醬，所以食落都好有北京田鴨味。但整體嚟講好似鹹咗少少。Spaghetti Bolognese ($98)呢個肉醬意粉反而估你唔到，非常之好味。首先意粉煮得好彈牙，然後上面嘅蕃茄肉醬令人好開胃，加埋芝士仲香。一定係必食之選。