Tommy Yummy (翡翠中心)

營業中

休息中

最近約咗朋友去中環食飯，上網見呢間新開嘅泰國餐廳好多人推介，專登book定枱試吓。🌿🌿餐廳環境佈置好舒服，配置落地玻璃，景觀好開揚。兩個女仔想留肚食甜品，好克制地點咗一個串燒拼盤同埋打拋豬肉碎煎蛋飯。🍡🍡串燒拼盤共6款，有雞肉、牛肉、豬頸肉、牛丸、豬肉丸同豬肉卷，有沙嗲汁同泰式酸辣汁選擇。串燒燒得好香脆，唔會太乾身，配埋沙嗲汁，入口好juicy 好惹味。🍛🍛 打拋豬肉碎煎蛋飯，用肉碎炒香料，辣椒好香口，配埋流心煎蛋，餸飯一流。豬肉碎分量十足，二個人都夠食，開胃之選。🥭🥭最後嚟到必食推介- 芒果乳酪疊疊冰。首先個外型已經好吸晴，未食已經聞到芒果同椰奶嘅香味。開頭以為放喺上面嘅係芒果雪條，食落先知係原隻芒果，好甜好好味。呢個甜品充滿驚喜，有芒果乳酪同糯米飯，配埋椰汁一齊食，簡直係芒果糯米飯嘅升級版。🥰🥰餐廳環境好靚，打卡一流，食物質素（特別係甜品）相當有驚喜。好適合情侶或閨蜜食飯傾偈，嘆個甜品。