長洲平記

營業中

休息中

長洲最出名嘅一定係芒果糯米糍，去到長洲當然要食下啦。我買嘅係長洲平記，佢哋最受歡迎嘅都係芒果糯米糍，舊芒果好大嚿，又甜，皮薄餡靚，果然係必食。佢地仲有好多口味揀，有榴槤，紫薯，士多啤梨，花生，奇異果，香蕉，火龍果，另外仲有Oreo口味添。如果唔係食到好飽，仲有胃口嘅，都可以買其他未試下。下次最想試嘅係Oreo味，因為出邊比較少有。另外，仲見到好多人嗌巨無霸芒果沙冰，睇落都吸引嘅，好大杯。不過因為唔想飲太凍嘅嘢，所以最後都冇叫到。