影片
更多
2018-05-05
195 瀏覽
去完搵阿姨，阿姨就帶我黎大埔食野。佢話成日經過呢間餐廳都想試下，今次我黎搵佢，佢就話多個人可以食多啲唔同款。以為係一般快餐店，估唔到入面裝修幾靚同摩登。menu都有幾多選擇，選擇困難症又發作。最後叫左兩個set, 野菜軟殼蟹海鮮炒烏冬同五成熟黑椒汁西冷牛扒、蒜蓉同芝士燒蠔、柚子檸檬梳打同柚子沙冰多多。餐包係牛角包，幾香同重牛油味，我鍾意。同阿姨share飲個湯，白湯唔稀，杰身同幾足料。紅湯都係，有成舊肉，味道不俗。阿姨叫左柚子檸檬梳打，試左啖，幾清爽同解渴。我就叫左柚子沙冰多多， 好大杯，飲勁耐都好似冇飲過咁。唔算好甜同埋柚子好清新，沙冰又解渴，啱哂夏天飲。野菜軟殼蟹海鮮炒烏冬 - 軟殼蟹要趁熱食，又脆又香，好惹味。個烏冬都好味，夾埋啲蝦、青口、魷魚同野菜一齊食好滿足。啲汁係大阪燒嗰隻燒汁，甜甜地，同個烏冬好夾。牛扒- 上菜嗰陣熱辣辣，大煙到個鏡頭都濛埋。只睇外型已經覺得好juicy，超級適合食肉獸。食牛扒最鍾意食五成熟，見到有啲血水就胃口大開。肉質好淋，只係中間有少少筋，一路切一路食，唔覺意就食哂成舊。到我最期待嘅燒蠔出場喇！好大隻蠔，個碟都好大隻😆🤣😂蒜蓉燒蠔 - 超級香同惹味，最
最後叫左兩個set, 野菜軟殼蟹海鮮炒烏冬同五成熟黑椒汁西冷牛扒、蒜蓉同芝士燒蠔、柚子檸檬梳打同柚子沙冰多多。
餐包係牛角包，幾香同重牛油味，我鍾意。同阿姨share飲個湯，白湯唔稀，杰身同幾足料。紅湯都係，有成舊肉，味道不俗。
阿姨叫左柚子檸檬梳打，試左啖，幾清爽同解渴。
我就叫左柚子沙冰多多， 好大杯，飲勁耐都好似冇飲過咁。唔算好甜同埋柚子好清新，沙冰又解渴，啱哂夏天飲。
野菜軟殼蟹海鮮炒烏冬 - 軟殼蟹要趁熱食，又脆又香，好惹味。個烏冬都好味，夾埋啲蝦、青口、魷魚同野菜一齊食好滿足。啲汁係大阪燒嗰隻燒汁，甜甜地，同個烏冬好夾。
牛扒- 上菜嗰陣熱辣辣，大煙到個鏡頭都濛埋。
只睇外型已經覺得好juicy，超級適合食肉獸。
食牛扒最鍾意食五成熟，見到有啲血水就胃口大開。肉質好淋，只係中間有少少筋，一路切一路食，唔覺意就食哂成舊。
到我最期待嘅燒蠔出場喇！好大隻蠔，個碟都好大隻😆🤣😂
蒜蓉燒蠔 - 超級香同惹味，最鍾意食蒜蓉。食得出個蠔好新鮮，加上又夠大隻，$48兩隻都幾抵食。
芝士燒蠔 - 啲醬有啲膩，不過熱辣辣都好味。我同阿姨都係鍾意蒜蓉味多啲，實在太香喇👍🏻👍🏻
張貼
