閨•家 (寶榮大廈) (已結業)

今日唔想喺屋企煮飯，之前食過呢一間餐廳，覺得性價比好高 今日一於去買外賣啦😛每次嚟門口都係勁多人，好彩外賣就好快拎到點左三個飯 ， 送咗三碗自家湯 佢啲湯係冇味精超級鮮甜 日日不同 每一個飯都免費跟一碗 一定要飲❤️三個飯分別係梅子金沙骨飯丶咖喱牛腩飯同 香煎蓮藕餅豬扒飯梅子金沙骨飯酸酸甜甜 帶來食慾 金沙骨肉質鮮美 大人細路都一定中意！咖喱牛腩飯夠晒香 配上勁多薯仔🥔，咖喱汁少少辣 椰香十足 牛腩大大件 送飯一流！蓮藕餅係呢間嘅招牌 勁厚一塊，咬落去食到一絲絲嘅蓮藕，煎得啱啱好 豬扒勁大塊，唔會過硬配上蔥油同雪菜一齊食，帶出鮮味😙呢間餐廳已經成為必去嘅餐廳之一了😛