六十六十火鍋 (已結業)

上次同個朋友食飯，係附近見到呢間六十六十火鍋既易拉架廣告，價錢唔貴，所以今次黎試下大概7點半左右去到餐廳，已經坐滿左人，好彩我地有位咋，所以想試既朋友記得要book左位先，否則有可能會白行一趟架，Booking 分左幾個時段，18:30-20:30，20:30-23:00，23:00-02:00總共有3個鍋底可以揀，價錢已經包括哂醬料及加一，飲品另外叫1） 粥底 $2002）蕃茄湯 $2003）椰子雞 $245套餐包括左8款海鮮，藍色同紅色可以各揀3款，貝類果2款係指定既，海鮮之外仲可以揀6款配料海鮮我地揀左鮑魚，扇貝，象拔蚌仔，鮮魷，金刀貝同帶子，加埋兩款貝類，所有海鮮都洗得好乾淨，落左單後店員就放低調味盒比我地座位都貼左各種唔同既海鮮需要煮幾耐，非常細心，所有海鮮都好鮮味，自身既鮮味加埋個蕃茄湯唔使點豉油已經好好味，食到中途可以試下飲啖湯，已經好鮮甜餐廳都好細心每一枱放左一個大杯比客人放海鮮既殻，成間餐廳嘅碗碟都好懷舊差唔多食完海鮮店員就會上埋其餘6款配料，配料入面我最鍾意嘅就係西班牙豬梅頭片，食落去好滑一啲都唔鞋，牛肉嘅質素都唔錯，花膠仔煮到入晒味，仲會黏口🤤，手打墨魚丸都好好味