榕記車仔麵 (已結業)

食咗好多次，一般都係食豬骨湯底(雙餸$35)。其實唔係好似車仔麵，因為個湯底都幾清，感覺冇落味精，好似似米線舖多d(？)。不過可能加腩汁，多返d車仔麵既feel🤣。餸首推蘿蔔。佢d蘿蔔真係甜到不得了，非常好食。另外柱侯牛腩都唔錯，幾入味，可以係單個度寫低另上，咁就會用個碗仔裝住。除此之外，個人都幾鍾意陳皮魚蛋。如果同朋友一齊，就會直接另外叫個小食-燒汁煮蘿蔔($16)。不解釋，真係好甜呀！店員服務唔錯，環境都企理乾淨。整體黎講，係性價比高既車仔麵。