影片
更多
2023-07-25
182 瀏覽
越南人開的「第一郡」由深水埗細舖搬到去油麻地大舖，座位多咗好多，平日夜晚嚟到都爆場！餐廳必食蟹膏蕃茄湯河，湯底好香蕃茄味，酸酸甜甜好開胃🤤成碗湯河都好滿😂勁多配料，越南扎肉、豆卜、豬紅、生菜、半個大蕃茄🍅最正係中間有件蟹膏蛋餅，由蟹膏、蟹肉、蛋整成，超濃郁蟹肉味🦀質感好似麵包咁吸收晒啲湯嘅精華😍除咗湯粉都唔少得食返碗撈檬，揀咗烤豬肉🐷分量十足，烤得好香，肉質幾軟淋唔乾柴，調味都唔錯😋仲有傳統越式法包🥖有腩肉、扎肉、酸蘿蔔絲、乾醬、肉鬆，好豐富！米紙蝦卷一定要配個自家製沙嗲醬好惹味，沙嗲味唔算好濃郁，但係恰到好處👍🏻飲品我個人鍾意凍嘅滴漏咖啡，餐廳落咗好多煉奶，係越南嘅味道啊😆甜品方面，好可惜我哋想食嘅招牌甜品班蘭糕已經賣晒🥲 叫咗一份芒果糯米卷拎返去比屋企人食，芒果係超大件！🔸越式法包🥖$55🔸米紙蝦卷🦐$25🔸烤豬肉撈檬🐷$65🔸蟹膏蕃茄湯河粉🍅$65🔸凍滴滴咖啡☕️$35🔸芒果沙冰🥭$35🔸芒果糯米卷🥭$35
成碗湯河都好滿😂勁多配料，越南扎肉、豆卜、豬紅、生菜、半個大蕃茄🍅
最正係中間有件蟹膏蛋餅，由蟹膏、蟹肉、蛋整成，超濃郁蟹肉味🦀質感好似麵包咁吸收晒啲湯嘅精華😍
除咗湯粉都唔少得食返碗撈檬，揀咗烤豬肉🐷分量十足，烤得好香，肉質幾軟淋唔乾柴，調味都唔錯😋
仲有傳統越式法包🥖有腩肉、扎肉、酸蘿蔔絲、乾醬、肉鬆，好豐富！
米紙蝦卷一定要配個自家製沙嗲醬好惹味，沙嗲味唔算好濃郁，但係恰到好處👍🏻
飲品我個人鍾意凍嘅滴漏咖啡，餐廳落咗好多煉奶，係越南嘅味道啊😆
甜品方面，好可惜我哋想食嘅招牌甜品班蘭糕已經賣晒🥲 叫咗一份芒果糯米卷拎返去比屋企人食，芒果係超大件！
🔸越式法包🥖$55
🔸米紙蝦卷🦐$25
🔸烤豬肉撈檬🐷$65
🔸蟹膏蕃茄湯河粉🍅$65
🔸凍滴滴咖啡☕️$35
🔸芒果沙冰🥭$35
🔸芒果糯米卷🥭$35
張貼
