瑞記咖啡

營業中

休息中

呢間係一間喺上環熟食中心好出名嘅茶記😛 幾有本土特色☺️🌟🥞西多士 $29呢個招牌西多士同出面嘅西多有啲唔同，雖然冇咁金黃色同冇花生醬，但係食落蛋香味就更加香濃，面包質地係帶少少脆但更加突出嘅係面包嘅軟熟，加埋煉奶甜甜哋又冇咩負擔，忍唔住一啖接一啖😋🌟🧋樽裝奶茶 $18我覺得好飲嘅港式奶茶最重要嘅特色係茶底香而且絲滑，呢度嘅奶茶兩樣都做到，熱熱哋嘅天氣下飲到咁香濃又凍嘅奶茶好正😚🥪蛋牛治 $20呢度特別用左蔥蛋超香，加埋碎牛嘅鹹香同烘脆左嘅多士，雖然餡料唔算厚身但係都好滿足☺️📍瑞記咖啡 上環皇后大道中345號上環市政大廈2樓熟食中心17號舖🍽️ 7.8/10