好彩海鮮酒家

營業中

休息中

今日下午我們喺西環附近做完嘢之後，去咗西營盤嘅「好彩海鮮酒家」飲下午茶！我們叫咗百匯冰鎮豬手嘅質感好爽彈煙韌，因為係冰鎮，再沾埋酸醋一齊食，所以唔會有好油膩嘅感覺！特製蝦餃皇嘅餃皮好煙煙韌韌，蝦肉好爽甜彈牙，而且都幾多汁！蜜汁叉燒包嘅包質非常香滑軟熟，蜜汁嘅份量超多，就算唔駛撕開一半，都可以睇到好香甜嘅蜜汁，新鮮熱辣，真係好正呀！豉汁蒸鳳爪燜得好腍好入味，醬汁嘅味道相當惹味濃郁！鮮竹牛肉球食落有好清香嘅芫茜香味，肉質好鮮嫩多汁，牛肉味亦好香濃！原煲臘腸滑鷄飯嘅鷄肉肉質好鮮嫩，唔會因為過咗火而變到好乾身，臘腸亦好芳香惹味，而且啲油香亦滲透晒入啲米飯入面，最後再食埋好香口嘅飯焦，真係好好味呀！