金滿膳燒味餐室 (已結業)

一開始仲以為個朋友玩嘢，話帶我食花甲粉生蠔，竟然嚟間燒味餐廳？估唔到入到去，真係有得食，仲要比想像中高質好多🫣係我太睇小呢間燒味餐廳啦。我哋一共就叫咗四款嘢食，全部我都好滿意😍燒生蠔同大扇貝都加左炒香的蒜蓉牛油及蔥花，相當惹味。真係估唔到呢到嘅生蠔同扇貝品質都咁高，扇貝鮮甜，生蠔肉厚肥美。錫紙焗娃娃菜睇落好簡單嘅菜式，但係食落就飄嚟好香嘅牛油味，仲要娃娃菜係完全吸收晒牛油嘅精華，我好少見到有舖頭係可以整到咁入味。開心花甲粉食完真係夠晒開心🥳花甲嘅數量好多，而且鮮甜又冇沙，加上粉絲一齊食，飽肚又好味。