新沙洞澡堂 (已結業)

韓式牛肉配秘製特濃牛乳辛辣麵啲牛肉好滑嫩，同埋個味道非常香濃，啲麵條都係啱啱煮好，有彈牙嘅口感，而且辣度都啱啱好，唔係太辣，太適合我呢啲唔可以太辣嘅人啦！炸雞都係一定要試嘅啦！我地叫咗兩款炸雞，半份係麻辣芫荽，另一半係韓式柚子。麻辣芫荽嘅炸雞好香辣，配上啲芫荽，令味道更加豐富，味道好似吃緊重慶涼麵嘅調味。而韓式柚子嘅炸雞就有啲甜甜嘅味道，配上酸酸嘅柚子汁，好開胃！西柚梳打特飲呢杯飲品好清新，有淡淡嘅西柚味同埋微微嘅氣泡，好解渴，令人感到非常舒服！雪嶽山呢個類似乳酸飲品嘅飲品，外型好似富士山咁，好特別！雪嶽山有啲微微嘅酸味，但又唔會太酸，非常清爽啲甜品都非常出色，佢地嘅提拉米蘇窩夫，將經典嘅提拉米蘇同鬆軟嘅窩夫完美結合。窩夫口感鬆軟，吸收左提拉米蘇嘅香濃咖啡酒味，味道甜而不膩。