火鍋英雄 (已結業)

打邊爐最重要就係個湯底，特別係呢度除左多款比你揀之外，仲有酸菜冷鍋魚比你揀，岩曬中意食酸菜魚又中意打邊爐既人！個酸菜魚鍋真係好抵讚，魚既份量十足，而且切到好薄，啲肉質亦都好爽嫩，絕對同出面食川菜既有得比！而個湯酸辣味恰當好處，唔食得太辣既都岩食。店員好貼心，介紹飲左啖湯，食埋啲魚先開始落其他野打邊爐，免得啲魚老曬。美國雪花肥牛牛肉超靚，又厚切，烚完之後肉質勁嫩！又有牛味！酥炸響鈴新鮮炸起，大舊又脆，索曬啲湯，好食。洛神花茶清甜解渴，帶有少少酸味，開胃又消滯。