元元酸菜魚

營業中

休息中

上星期去將軍澳搵個朋友，朋友話有間酸菜魚新開張都好多人幫襯，想試試，於是我地早咗去攞籌。入到去，座位都頗寬敞，亦都好乾淨。店員俾咗個QR code我地自行落單。操作都簡單易明嘅。我地叫咗：招牌元元酸菜魚四季豆紅糖糍粑等咗一陣，店員就為我地送上熱辣辣嘅酸菜魚。我地叫咗小辣，湯底好清新，辣度好岩我同朋友。最令我地驚喜嘅係餐廳好足料，啲魚唔會話食一兩舊就冇晒，而且都好滑同冇骨👍🏻👍🏻👍🏻 另外，配菜仲有豆腐卜、芽菜、寬粉。四季豆上菜之後唔記得咗影相😅，同樣係熱辣辣咁上，味道好惹味，好好撈飯 😋😋之後就到甜品，紅糖糍粑。完全可以食得出佢係即叫即整，上枱時熱辣辣，外脆內軟，入面好煙韌。面頭撒咗一層紅糖，另外都有一個紅糖醬，可以根據個人喜好去點。我同朋友食完都好滿足，覺得下次可以試下多啲人黎食可以再試埋其他餸（我地見隔離枱食個應該係乾鍋好似好正咁）。