HAND3AG (中環街市) (已結業)

放工嚟到中環街市諗住grab a quick bite，未試過呢間三文治店，見到周圍啲人咬住個包企起道食得好滋味，睇見都想食😝除咗有三文治，原來仲有好多小食、沙律同飲品。佢哋仲會推出Happy Hour 3-7pm，有手工啤飲，$39起勁掋喎！🍻佢哋啲三文治原來入咗袋，可以keep住熱，但又唔會焗淋啲料，都幾神奇。蝦兵蟹將鐵板三文治（$68）- 三文治睇落唔太多，但原來食完都幾飽肚。裡面夾住吉列蝦餅、炸軟殼蟹同青木瓜沙律，好脆口，又唔會覺得太油膩。遊日懶人鐵板三文治（$73）- 呢個必食！入面有好厚身嘅吉列和牛漢堡、一咬落去已經覺得好juicy，牛味濃郁。仲有埋照燒北海道帆立貝同溶岩芝士係裡，非常好食😝自家手切薯條（$32）- 我嗌咗大份，2個人食啱啱好。因為係手切，所以薯條較粗身，好有口感！自選大沙律（$68）- 凱撒沙律 x 北海道男爵薯仔沙律凱撒沙律有salami、好新鮮嘅羅馬生菜、同parmesan cheese ，仲可以叫佢另上個Cesar dressing👍🏿而薯仔沙律勁重料！有蛋、薯仔、好多好多蟹柳、青瓜、洋蔥、火腿、cream cheese同紅蘿蔔，食完都好飽了！