影片
更多
2022-06-04
611 瀏覽
本身約咗朋友去尖沙咀食晚飯，但又晏咗收工，所以唯有過隔離置富都會商場搞掂😔。商場食肆選擇唔多，我想食西餐，所以揀咗「紅蔥頭」。適逢呢晚張敬軒演唱會休場，商場無咁旺，否則平日中午或夜晚都排長龍🙈。呢度面積好大，環境都算舒服。題外話，我哋見人唔多，諗住食完就走唔好阻人，點知店員好好，叫我哋慢慢坐！餐廳定價合理，同連鎖茶記差唔多價錢，但食物質素同份量都稍勝一籌🍽。再者，菜式選擇繁多，樣樣都想食，令人心大心細，最終我哋揀咗二人套餐C($268)。歐陸式濃湯兩客及牛油法包，🍞麵包同湯屬正常水平，無乜太大驚喜，但兩樣都絕不馬虎。羅宋湯有好多蔬菜渣，而法包就牛油蒜香十足。蕃茄奶油呑拿魚螺絲粉，🍝Pasta大碟到一個點，一個人一定食唔晒！螺絲粉軟硬度適中，最重要係非常掛汁。蕃茄醬加入奶油，中和咗酸味，而呑拿魚肉就均勻地滲透其中🐟，所以每啖口感都好豐富。蜂蜜味BBQ燒豬仔骨，🐷🍖豬肋骨有成兩條，即係等同其他餐廳嘅全份吧。豬肉肉質唔嚡，切開亦算離骨。我認為醬汁部份爭少少，因為用上蜂蜜燒烤醬，甜甜的感覺唔太夾。伴菜仲有薯條🍟同沙律🥗，兩樣味道都OK，食晒好飽飽。小鐵板一口牛($48)，我哋見啲小食咁平就追加
本身約咗朋友去尖沙咀食晚飯，但又晏咗收工，所以唯有過隔離置富都會商場搞掂😔。商場食肆選擇唔多，我想食西餐，所以揀咗「紅蔥頭」。
適逢呢晚張敬軒演唱會休場，商場無咁旺，否則平日中午或夜晚都排長龍🙈。呢度面積好大，環境都算舒服。題外話，我哋見人唔多，諗住食完就走唔好阻人，點知店員好好，叫我哋慢慢坐！
餐廳定價合理，同連鎖茶記差唔多價錢，但食物質素同份量都稍勝一籌🍽。再者，菜式選擇繁多，樣樣都想食，令人心大心細，最終我哋揀咗二人套餐C($268)。
歐陸式濃湯兩客及牛油法包，🍞麵包同湯屬正常水平，無乜太大驚喜，但兩樣都絕不馬虎。羅宋湯有好多蔬菜渣，而法包就牛油蒜香十足。
蕃茄奶油呑拿魚螺絲粉
10 瀏覽
0 讚好
0 留言
蜂蜜味BBQ燒豬仔骨，🐷🍖豬肋骨有成兩條，即係等同其他餐廳嘅全份吧。豬肉肉質唔嚡，切開亦算離骨。我認為醬汁部份爭少少，因為用上蜂蜜燒烤醬，甜甜的感覺唔太夾。伴菜仲有薯條🍟同沙律🥗，兩樣味道都OK，食晒好飽飽。
小鐵板一口牛
$48
16 瀏覽
0 讚好
0 留言
自家製心太軟
13 瀏覽
0 讚好
0 留言
飲品方面，我要咗檸檬草氣泡茶(特飲+$18)，🍋味道幾特別，香茅味突出，將茶溝七喜，變成有氣嘅飲品，唯獨係飲到尾段就甜咗啲。朋友要咗可樂，竟然係樽裝上。
總括嚟講，紅蔥頭係一間唔錯嘅餐廳，食物味道並唔驚艷，不過勝在各方面都好穩定👍。我推介必食鐵板一口牛同心太軟，兩樣都滿滿驚喜！
張貼
