咕嚕咕嚕 (已結業)

太子-咕嚕咕嚕：特色單邊雞翼（hk$30/8件）、手切三色薯條（hk$28)黑糖麥芽麥汁雞翼，睇個名就知好好食🙈甜甜咸咸超正，單骨雞翼超方便，雞翼即叫即製，拎出黎熱辣辣，夾起拉起d糖絲令人食慾大增，攤凍之後麥芽糖變脆又係另一番滋味！雙拼了叻沙麻辣雞翼，餣得好入味，難得咁大隻既雞翼炸完都整得咁嫩滑，欣賞。除左以上兩隻味仲有黑松露忌廉、柚子白味噌、抹茶朱古力焦糖，另外仲有隻薑檸樂味做緊特價$20/8件，好抵！加$5仲有野飲omg.-3色薯條好有誠意，每日手切嫁！！！勁粗，我鐘意😌😌，天婦羅式炸法，上面灑上紫菜碎，超級大碗，勁量滿足（如果你食得哂）！睇個招牌個tag 「人生就是要讓人大吃一驚」就感到「哪些年」式既青春味道，果然發現廚房入面隱藏住兩個少女😂，佢地話係3個人開，好欣賞佢地既勇氣同執行力，仲有對食物既創意和心機👍🏻支持。——----------•Follow IG:nee.eat.play