Cocolo Tokyo Cake Factory (朗豪坊) (已結業)

今日喺朗豪坊行街，經過呢間甜品店，見到佢嘅青森蘋果批好吸引行入去再望望，原來裏面仲有賣蛋糕，最後決定買一件青森蘋果批同一件朱古力蛋糕返屋企同屋企人share，氹吓佢哋開心🍎青森蘋果批🥧由於係外賣，返到屋企已經凍咗，所以食之前入微波爐叮一叮。個酥皮有好多層，口感酥脆，重點係裏面嘅餡好好食，應該係蘋果蓉加吉士醬，滿滿蘋果嘅清甜味道。🍫純朱古力蛋糕🍰朱古力蛋糕係簡單嘅海棉蛋糕加慕絲，味道都幾濃，又唔會太甜太漏，都幾啱我口味。另外，我留意到除咗甜品之外，呢度有個好吸引嘅drink menu — 京都宇治抹茶🍵下次有機會都想試試