雞功房 (威非路道) (已結業)

一直都響上環食開，可以話係粉絲。估唔到佢哋第一間分店就嚟天后，做我嘅街坊。佢一開張我就好心急去試，本來係private party, 但可能見到我失望嘅表情，竟然俾我crash the party. 當晚食咗最愛嘅豉油雞，下面有腸粉，吸收頭抽精華。個黃酒雞湯依然咁正，另外仲有菜同佢哋自家製炸魚皮。雖然佢哋有海南雞，不過我幾乎次次都食豉油雞。不過，豉油雞限量，有時都會賣曬㗎。老闆員工都好nice. 係一間有人情味嘅鋪頭。