阿杏飯團 (富華中心商場)

營業中

休息中

阿杏飯團 (富華中心) (荃灣)荃灣青山公路荃灣段210號富華中心1樓1A-B號舖平時成日經過荃灣站都見到阿杏飯團，今日終於試咗餐牌選擇都多，有好幾款都想試，苦惱左一陣，決定試住招牌飯團先😆我地叫左:-名古屋鰻魚飯團-芝麻八爪魚飯團-紫薯玫瑰露（熱）-奶茶紅豆手作（凍）比完錢，等咗一陣，飯團就整好👍速度快，抵讚👍👍 趁住飯團仲係熱，快啲拎返屋企食。飯團包裝未打開，已經聞到好香嘅紫菜味❤️急不及待將飯團切開兩半，同屋企人一齊分享😄😄兩個飯團都好足料，食落好有口感。每個飯團裡面有油炸鬼脆脆，肉鬆，沙律醬，菜脯，外面用紫糯米緊緊包住。每一啖都食到幾種層次，淋脆爽軟😋😋飯團雖然睇落去唔係好大舊，但食完之後真係好夠飽😆😆我地2杯台式飲品都叫左少甜。奶茶紅豆手作係港式奶茶底，紅豆🫘夠哂淋，又唔會太甜。紫薯玫瑰露有玫瑰香味，又有紫薯的味道，幾特別，可以一試。