泰廳 (已搬遷) 新店位置

入到元朗唔熟路，同朋友行完一輪，六點到見餓就入左間門面幾企理既泰國餐館坐低我想食撈檬，朋友想食咖喱，所以我地就各自揀好再share食朋友要左餐廳推介既青咖喱羊架$89，我就要左個豬頸肉撈檬$55，另外加左份蒜蓉包$39黎配個青咖喱檬粉份量適中，豬頸肉燒得爽嫩，醬汁酸辣好開胃個青咖喱都幾香，加入左檸檬葉既青咖喱比黃咖喱多一重清新既感覺，而呢個咖喱亦混合左唔同既蔬菜，食落感覺唔油膩，仲愈食愈醒神羊架同個咖喱味唔算好夾，但值得一讚既係羊架上碟時經已起左骨，唔洗自己切，食落啖啖肉好方便不得不提既係呢度既蒜香包，一份有5大舊，包磚烤得外脆内鬆軟，蒜香足夠，既使唔沾咖喱都同樣美味我同朋友亦都各自點左杯特飲黎解渇悄暑我要左珍多冰$28，朋友就要左芒果沙冰$32兩杯既味道都唔錯，飲完透心涼之後飲飲下見到隔離有人食甜品，朋友又話要食，係乜都想試既情況下，我地最終追加左個甜品拼盤$58甜品平均既質素都ok~個芒果糯米飯好香甜，糯米夠嚼勁，幾好幾好！！！呢度食物份量適中，味道唔差，尤其係個蒜香包真心好出色！平日原來唔洗加一，所以計落都唔算貴------------------------------食物質素