麻辣香鍋

營業中

休息中

朋友點名要食辣嘢，一於同佢去麻辣香鍋啦！選擇夠多👍🏻旺角嘅麻辣香鍋好熱鬧，平日晚飯去都全場滿座。諗住一陣食水煮魚定係招牌香鍋！兩樣都好似好吸引，最後就決定食招牌香窩，有好多配料可以揀。我哋揀咗好多樣嘢：豆皮、午餐肉、豬頸肉、腐竹、萵筍，五個餸已經好大兜！ 我哋揀咗麻辣小辣，香濃惹味，整體麻得黎唔會好辣，好正。推介大家一定要食午餐肉，煎香咗嘅午餐肉好香口，豆皮同腐竹就吸晒味道，好食，送飯一流！一路食辣嘢，一路飲冰凍嘅啤酒，麻甩又開心😂之後叫咗個冷盤同埋炒菜，份量都多，好抵食。最後食埋脆卜卜熱辣辣嘅炸饅頭，配甜甜嘅煉奶，解辣又好味。最後飲埋飲品，真係飽到上心口