影片
更多
2016-07-08
946 瀏覽
平時好少去土瓜環，不過聽講有好野食，當然約埋朋友試下。咦，又幾好食喎。雖然比起平時果啲任食邊爐價錢貴，不過食材質素都唔同，又無得比嘅，睇相啦！招牌雜菌花甲蟹煱 $400落單之後等咗一陣，招牌終於登場啦！侍應提我地要快啲食咗鍋內嘅花甲，唔係會老，肚餓嘅我即刻撈幾隻食，又真係幾鮮甜，份量亦都唔少。隻蟹都幾大隻，好多膏，肉質幾鮮，又唔怕無肉食。而且鍋內重有菇同蕃茄，啲菇食極都重有，份量好多，蕃茄令湯底帶少少酸，好開胃。$400 一鍋開頭覺得有啲貴，不過難得多人一齊食，除返都ok嘅，重點係好味，值回「鍋」價。招牌肥牛拼盤 $368賣相幾靚，擺得好整齊，有好多種，和牛粒、牛頸脊、牛胸爽、牛脷托等等...... 多人食嗌呢個拼盤就岩晒，唔使慢慢揀又唔揀爭。肥鵝腸 $78黎之前都睇過下呢間火鍋店嘅食評，聽講鵝腸最正最出名，點可以唔試下！第一次食鵝腸，好快熟，無膻味，咬落去爽爽地，幾新奇。未食過／鍾意食嘅朋友推介一試。睇落好多，其實淥完得好少。泰國基圍蝦 $68好抵食！$68有9隻，大大隻，擺係鍋裡面滾一滾就食得。新鮮彈牙，啖啖肉，用竹籤拮住食幾方便。廣島蠔 $78急凍，拎出黎好似舊石頭咁硬，普普通通
招牌雜菌花甲蟹煱 $400
落單之後等咗一陣，招牌終於登場啦！
侍應提我地要快啲食咗鍋內嘅花甲，唔係會老，肚餓嘅我即刻撈幾隻食，又真係幾鮮甜，份量亦都唔少。
隻蟹都幾大隻，好多膏，肉質幾鮮，又唔怕無肉食。而且鍋內重有菇同蕃茄，啲菇食極都重有，份量好多，蕃茄令湯底帶少少酸，好開胃。$400 一鍋開頭覺得有啲貴，不過難得多人一齊食，除返都ok嘅，重點係好味，值回「鍋」價。
招牌肥牛拼盤 $368賣相幾靚，擺得好整齊，有好多種，和牛粒、牛頸脊、牛胸爽、牛脷托等等......
多人食嗌呢個拼盤就岩晒，唔使慢慢揀又唔揀爭。
肥鵝腸 $78黎之前都睇過下呢間火鍋店嘅食評，聽講鵝腸最正最出名，點可以唔試下！
第一次食鵝腸，好快熟，無膻味，咬落去爽爽地，幾新奇。未食過／鍾意食嘅朋友推介一試。
睇落好多，其實淥完得好少。
泰國基圍蝦 $68好抵食！$68有9隻，大大隻，擺係鍋裡面滾一滾就食得。
新鮮彈牙，啖啖肉，用竹籤拮住食幾方便。
廣島蠔 $78急凍，拎出黎好似舊石頭咁硬，普普通通。
八味金磚豆腐 $48好食！ 真正外脆內軟！豆腐滑到好似食緊豆腐花咁，我食到唔停口。推介！
不過調味好似係用七味粉，食落無椒鹽咁惹味。同埋記得趁熱食，攤凍咗就唔好食嚕。
手拍青瓜 $42偏酸，有一陣芫茜味，我平時唔食芫茜，不過同呢個手拍青瓜又幾夾。
調味料由於花甲蟹鍋太好味，基本上我無點調味料，不過重口味嘅朋友應該好鍾意。
餐廳唔算好大，坐位都可以，但冷氣好凍，食住邊爐都覺得凍，呢方面要改善下。而且野飲選擇唔算好多，有綠色可樂揀叫做特別啲。（唔係好好飲）
都係飲多幾啖個花甲蟹鍋先！
張貼
