Oppa Chicken (已搬遷) 新店位置

今次唔係掛住炸雞，而係掛住個紫菜飯！黎Oppa食飯真係點都要等，今日以為佢開六點，點知原來係六點半！但未開門已經有人等緊，即係點都要等！唔想飲甜野，所以叫左個海帶湯味道是偏淡的，內裡超多海帶！魚干Sorry唔記得叫咩名，好似係咩鱗干咁上下的。呢個真係超級超級超級好食！！！（個人覺得）完全食到停唔倒口！！我唔飲啤酒，如果飲啤酒用黎佐酒應該好夾！如果有得買返屋企當零食食，我就死得喇紫菜魚子飯團一如既往，飯團口感煙煙韌韌的好好吃！唔想食炸野，但黎食炸雞唔食又好似唔夠應景，所以輕輕叫左個炸雞翼好味喎！食酸辣炸雞食到悶悶地可以試這個！黎咁多次終於試左佢個安東雞喇～等左好耐先上，都好味，個汁冇奶奶雞咁濃，但我反而鐘意食呢間個粉，好入味