強記美食

營業中

休息中

今日約咗個同事食飯，問佢想食地道小食定係食西餐，send咗兩條link俾佢去睇。同事見到強記美食係米芝蓮，決定大家一齊去試吓。強記美食就喺鵝頸橋過少少，都算易搵。本身諗住佢係小食店地方應該好屈質，但點知去到好光猛，乾淨又企理，座位之間又唔會話太窄，以小食店嚟講都坐得幾舒服。點左馳名嘅豬骨粥，腸粉煎蛋同埋鴛鴦腸糯米飯。豬骨粥：用沙窩上，味道正常，略嫌少咗啲豬骨。腸粉煎蛋：用蝦米腸粉。但係出品好普通，唔覺得有啲乜嘢特別。鴛鴦腸糯米飯：呢個我同同事都覺得好出色。糯米飯軟硬度啱啱好，有咬口得來又唔會太硬。潤腸應該係鮮潤腸，好軟熟有油香。以地點同價錢嚟講，性價比高。可以再嚟食過。