炯記手撕雞 (汝州街) (已結業)

有一排無過黎深水埗， 最近去開黃金順便去炯記食佢個鵝油撈麵🤩個menu同以前唔同左， 多左好多小菜可以選， 仲有得打邊爐。 左望右望， 最後覺得佢個二人餐最抵食， 就叫呢個啦！👍🏻👍🏻首先黎兩碗湯， 係足料既紅蘿蔔雞老火湯， 飲得出煲左好耐既，好入味🤩🤩😋之後小食同主食都上得好快， 我逐個講下啦～酸辣蒜香雲耳， 好香蒜味， 酸酸地好開胃， 可以食到多d其他野🤫鹽焗雞腎， 可以選要辣既。 雞腎爽口無怪味， 唔錯👍🏻鹽焗手撕雞， 可以選要辣既。手撕雞既好處係啖啖肉， 適合我呢d懶懶既人。 調味合適， 唔會太鹹得黎又夠味， 出面有d餐廳會整得好鹹🐥清湯牛魔王， 可以選豬手， 二選一既。 牛腩入味又好軟熟， 而且畀既部位唔會太肥。另外仲有幾舊金錢肚， 好食🐮2碗鵝油撈麵，黎炯記梗要食佢碗招牌鵝油撈粗。好香鵝油味， 同粗麵好夾， 招牌果然係招牌🤩🤩仲有一碟生菜同兩杯飲品叫到成枱都係嘢食🤫兩個人食到好飽飽， 呢餐好滿意啊😍😍