方叔叔重慶老火鍋 (PopCorn 2) (已結業)

話說好耐無食麻辣野，今日決定想去食下重慶麻辣出一身汗，就黎到popcorn2呢度食方叔叔重慶火鍋啦。九宮格麻辣大紅鍋 $38/位九宮格並唔係有9個辣度，而係每格既溫度都唔同，所以適合煮唔同既食材，例如中間格係火力最大既，所以可以渌d快熟既食物，四角既火力就最弱所以適合煮時間比較耐既食材，呢方面真係幾貼心。鮮活海蟶 $90/全見到時間限定既海蟶咁吸引緊係要試下，原來全份既份量都幾多，海螲既口感食落好嫩，而且肥美，帶有滿滿鮮味。功夫萵筍片 $28/半萵筍片真係切到好薄，好考師傅刀功，輕輕渌一渌就得，爽脆鮮甜。嫩牛肉 $48/半肉如其名，真係十分嫩滑，牛味都重，唔會比麻辣味蓋過。手打魚子蝦滑,墨魚滑 $58/半蝦滑同墨魚滑好足料，而且店員會幫我地渌埋，服務好好。大刀豬腰片 $49/半平時好小食豬腰片，估唔到食落咁爽口，又唔會有腥味，輕輕渌十秒就夠。美國牛板腱 $98/半肉味濃，肥瘦適中，火鍋基本上都係必叫。桂花蚌 $88/半桂花蚌鮮甜爽口，如果份量再多d就好。水仙烏龍檸檬茶 $48食火鍋一定要叫野飲，佢地既茶底係非常好飲，茶味香濃唔會有苦澀味，如果少少糖會比較容易有解辣既效果。