ZENTRO (已結業)

走到中環街角，發現隱世餐廳，酒吧既setting好岩放工一族係度消遣。8點前入座有overtime menu，每個set既價格大多是100幾蚊，係中環心臟地帶十分相宜。黑安格斯肉眼店員都問要幾成熟，佢俾左2成熟，平時食開5成。覺得塊扒勁正，本身肉質靚，食落好滑。可能現場黑黑地，又唔覺多血水。因為用了醃料，所以外層好惹味呀。唔駛加醬都得。仲有脆口薯條，加埋已經好飽。天婦羅蝦便當欣賞佢加左紫菜同醃蘿白漬，蝦有3隻，很豐富。每個餐都有跟沙律同湯同飲品，日式便當跟個麵鼓湯，一杯橙汁一杯菠蘿汁。傾傾下計，飲開酒就叫埋串燒，始終餐廳用長備炭，燒烤時溫度可達一千度，風味特別不同。