金萊餐廳 (已結業)

有一晚放工突然好想好想食燒味, 行行下見到金萊餐廳個門口掛住嘅燒味都好吸引，加上新派嘅茶餐廳風格, 就係咁我入咗去啦😁😁😁諗都冇諗就點左份唔係度度都有得食嘅黑毛豬叉燒、燒鵝及什菌蝦球炒麵啦！黑毛豬叉燒肉質超嫩，而且肉汁滿滿，係我食過嘅叉燒來講數一數二好食的，另外份燒鵝都皮脆肉嫩，而且色澤又靚，真係冇得輸呀！仲有個什菌蝦球炒麵都唔差的，面頭嘅餸仲份量十足，特別喜歡食呢啲脆卜卜嘅炒麵，正呀！看似簡簡單單嘅茶餐廳，原來食物嘅水準都有返咁上下，重點係比一般舊式茶餐廳乾淨衛生好多！🥰😍👍🏻