Smokey Ice (已結業)

今晚同2個朋友去左旺角行街，行到咁上下，其中一個提議去 Smokey Ice 食dinner + 甜品，佢係咁話好得意一定要試。。一去到，我地先叫左3個小食，有炸魚薯條、蜜糖雞翼、吐司～炸魚柳同薯條都炸得岩岩好，唔會過份熱氣，而且有我最中意既粗薯條！而蜜糖雞翼都幾好食，甜甜地，雞肉又嫩滑～另外，我地叫左２杯特飲，藍天之雲同熱帶海灘，顏色好靚，飲落又唔會好假 / 好甜，唔錯！至於甜品方面，我地叫左2個，一個榛子朱古力waffle，有朱古力雪糕, waffle and 竟然有桃!! 好特別既配搭~另一個甜品一定要介紹，就係"七成熟雪糕牛扒"，一送黎係煙霧迷漫咖，其實因為有乾冰係底~ 雪糕牛扒側邊仲有花生醬西多士、燒香蕉、菠蘿粒等..睇相以為住薯餅、薯條同雜豆咁，好攪鬼！呢個雪糕牛扒切開後，竟然發現有少少粉紅色，真係7成熟咁樣樣，haha 好得意, 其實係士多啤梨雪糕黎咖!!好開心既一餐, 同朋友都好滿意! 下次會再黎=]