Khaotip Thai

營業中

休息中

行完山食到超正嘅泰國菜，假期喺大嶼山行山之後，落到逸東邨附近，只要過對面馬路第一排村屋仔，就會搵到呢間泰國菜館。之前淨係識喺東涌市中心搵食，估唔到係遠離市中心嘅地方，都有咁高質嘅餐廳。冬陰功真材實料，湯鍋入邊共有六隻大頭蝦，而且配料都好多海鮮，未到調校得相當好，唔會太辣或者太酸，好好飲，熱辣辣超正。食泰國嘢當然唔少得泰式炒金邊粉，呢個份量超大嘅Pad Thai真係好食，夠鑊氣而且金邊粉爽口。泰式拼盤係我嘅至愛。呢個拼盤好大份，有春卷、蝦餅、雞翼、以及厚切豬頸肉，非常好食，而且全部新鮮炸起！