影片
更多
2023-07-04
73 瀏覽
平時食日本嘢都係港島嗰邊多，估唔到喺九龍灣Mega Box新開左間居酒屋🏮仲要啲野食幾高質下😋🍶清酒放題 $188/位有17款清酒，1款梅酒任飲，掃QR CODE撳個掣就有酒飲。每次出50ml，再拎個清酒杯同朋友share一人一杯岩岩好。清酒有分薰、醇、爽，每一款都清楚列明米種、水源、酒精濃度同風格。🐟油甘魚沙律配酸汁啫喱 $88油甘魚新鮮肥美，配酸汁啫喱好開胃。食完沙律就開始食串燒，餐廳有另外提供柚子鹽、墨西哥香辣粉、沖繩海鹽同孜然粉可當調味。串燒整體都好味，有幾款特別出色。豚肉酒盜芝士卷好濃好creamy，餸酒一流。牛肋筋煙煙韌韌帶牛味。明太子雞肉鹹鹹地肉質嫩。雞尾豐富既脂肪，腍腍軟軟又帶點彈牙，完全無羶味。🍢美國牛柳粒 $68🍢美國牛肋筋 $58🍢明太子雞肉 $32🍢雞尾 $32🍢美國牛小排 $68🍢豚肉酒盜芝士卷 $48🍢明太子青椒仔 $38🍢煙肉帆立貝 $58👅厚燒牛舌 $78本身以為係一串串嘅，點知係一碟碟上。大大嚿牛舌肉質好爽，可以encore！🍆原條日本茄子 $68超腍茄子加木魚絲。食左咁多肉，梗係要食返啲菜balance下啦。🍙柚子胡椒鵝肝燒飯團 $98鵝肝超香，口感
🍶清酒放題 $188/位
有17款清酒，1款梅酒任飲，掃QR CODE撳個掣就有酒飲。每次出50ml，再拎個清酒杯同朋友share一人一杯岩岩好。清酒有分薰、醇、爽，每一款都清楚列明米種、水源、酒精濃度同風格。
🐟油甘魚沙律配酸汁啫喱 $88
油甘魚新鮮肥美，配酸汁啫喱好開胃。
食完沙律就開始食串燒，餐廳有另外提供柚子鹽、墨西哥香辣粉、沖繩海鹽同孜然粉可當調味。
串燒整體都好味，有幾款特別出色。
豚肉酒盜芝士卷好濃好creamy，餸酒一流。
牛肋筋煙煙韌韌帶牛味。明太子雞肉鹹鹹地肉質嫩。雞尾豐富既脂肪，腍腍軟軟又帶點彈牙，完全無羶味。
🍢美國牛柳粒 $68
🍢美國牛肋筋 $58
🍢明太子雞肉 $32
🍢雞尾 $32
🍢美國牛小排 $68
🍢豚肉酒盜芝士卷 $48
🍢明太子青椒仔 $38
🍢煙肉帆立貝 $58
👅厚燒牛舌 $78
本身以為係一串串嘅，點知係一碟碟上。大大嚿牛舌肉質好爽，可以encore！
🍆原條日本茄子 $68
超腍茄子加木魚絲。食左咁多肉，梗係要食返啲菜balance下啦。
🍙柚子胡椒鵝肝燒飯團 $98
鵝肝超香，口感細膩，配埋我超鍾意既柚子胡椒，可以中和個油膩感。
🔥炭火蒲燒原條鰻魚 $268
呢個可以話係我食過最好食嘅蒲燒鰻魚！炭火燒到色澤誘人，醬汁味道一流。個底又脆脆地，魚肉腍得黎完全冇骨👍🏻
✨木桶豆腐 $88
呢個豆腐係咸食既，配薑、蔥花同鹽。滑捊捊，就咁食可以食到佢嘅豆香。如果有埋甜食豆腐花仲正，一咸一甜。
張貼
