友飯食 (已結業)

喺大圍附近返工都一段時間，最近新開咗呢一間：友飯食，係我食過最好食嘅蔥油雞扒煎蛋飯🤣🤣🤣自問食過香港都好多間嘅冰室，茶記，呢間都係高分之選，環境企理乾淨，食物出色，夠大份夠抵食，幾十蚊有交易😆呢味：蔥油雞扒煎蛋飯，真係滿分，個太陽蛋煎得勁靚，配埋秘製豉油同埋蔥油，撈飯超一流，個雞扒夠晒腍，雞肉好嫩滑👍 同埋佢哋唔係淨係可以揀雞扒㗎，轉做豬扒都得🤣另外再叫埋個蒸肉餅飯，又係送飯一絕完美配搭，再加埋兩杯地道香港凍檸茶，成個晏晝大滿足😌😌😌佢哋晏晝嘅菜式經常性都唔同㗎，自己都試過唔同幾隻款，每隻款都高質😉