吉勝吉列串揚專門店

營業中

休息中

接左新挑戰一排，對自己好啲，梗係要食日本嘢獎勵下。上網搵到這間，有刺身又有串揚食，評價都唔錯，就試試先。日式裝修，環境乾淨企理午餐抵食，100蚊都唔使就有定食， 跟麵豉湯及沙律四色刺身三文魚帶子北寄貝池魚厚片又新鮮，色澤光滑 ，最愛帶子又鮮又甜香蔥吞拿魚蓉丼粉紅色吞拿魚蓉，望見都開心。還配上半生熟蛋及香蔥。攪拌後黃金比例放入口，好清新又新鮮。吉列豬扒定食吉列豬扒仲大過我塊面，真係好驚喜。外層酥脆，內裏肉質嫩滑，配上柚子汁沙律，好醒神開胃隨機雜錦串揚唔駛諗食乜嘢，店員幫你揀秋葵/芥末牛柳/免治雞肉/南瓜/煙燻豚肉/日本迷你甜薯炸粉偏薄，炸到香口。特別鍾意免治雞肉串揚，用上日本雞，雞味特別濃。