英皇餐廳

營業中

休息中

都已經隔了三，四年無入黎長洲，今次爸媽居然主動提出去長洲走走，咁我地就快閃長洲啦 😎我就緊係帶佢地去呢間我之前每次都必到嘅餐廳，估唔到事隔幾年，食物水準都keep到，新鮮冇乜味精，而且仲要新翻新，所以環境都企理，冷氣又夠凍喎。兩老話入黎長洲，緊係叫d魚黎食，咁佢地點咗鮮炆魚湯河，豉椒鮮炆魚炒河，我就點咗咖哩牛腩飯，重點就緊係order 凍橙檸啦（本黎想要大杯，原來加價到 $42），我實在唔捨得，所以要杯正常size 就算，最後埋單都係$201，我又覺得抵食。總結鮮炆魚好鮮，兩老係咁讚，仲話魚似係斑類，餐廳又比得算多。咖哩牛腩我就覺得一般，個汁太希，牛腩唔夠淋。