沐白小農 (已結業)

台式飲品店大行其道嘅今日，呢間叫做「沐白小農」嘅台灣過江龍飲品店，當然有呢期大熱嘅黑糖波霸鮮奶啦！沐白黑糖波霸鮮奶（$30）黑糖珍珠好掛杯，每粒黑糖珍珠都有好濃郁嘅黑糖味，加入新鮮鮮奶，好好飲呀！大甲芋頭鮮奶（$30）呢間店另一個特色飲品就係呢款大甲芋頭鮮奶，無添加嘅芋頭蓉好綿密，充滿芋頭香，而且味道香甜，同新鮮牛奶加埋一齊，有益又好飲。追加一杯金桔檸檬（$26），大大杯，味道酸酸甜甜，如果唔飲奶的話，呢杯飲品都幾正㗎！