山東小城 (埃華街)

營業中

休息中

山東小城係一間喺大角咀真係好細好細嘅舖頭，所長食過好多次外賣，有日特登約埋同房一齊去食。煎墨魚荸薺餃 $38餐牌寫住墨魚餃係香港首創，唔肯定係咪真，但起碼係老闆自家創作啦🤣個味道係真係食到墨魚味，唔係剩係得黑色，同埋個餡好爽口都幾特別，同房話之前食過水餃會更加好食下次會想試吓。煎鮮肉西洋菜餃 $28其實純粹係因為想叫兩隻唔同味所以叫咗煎餃，因為水餃一嗌就要嗌10隻，都唔肯定我哋係咪食咗西洋菜🤣整體來講就係自家製冇味精嘅感覺嘅餃子，係好味嘅👍🏻砂鍋酸菜魚 $72呢個基本上係我每一次我去買都會叫嘅item，因為真係好抵食又好好食。唔好睇個樣好似平平無奇咁，啲魚係好滑嘅，入邊有啲類似冬粉嘅物體加埋冇味精嘅湯底超級正💛炸豬扒菜飯 $48因為想叫多少個碳水所以叫嘅菜飯都OK，碟飯上面嗰個少少似辣椒油嘅物體完全係重點，鹹鹹香香點豬扒幾好味。