佳芳廚房 (已搬遷) 新店位置

經常外食既我都想食下住家既味道🏠飲個靚湯。咁岩今日有一個係深水埗返工既朋友仔就帶左我去幫襯呢間小店。聽朋友講呢間舖有好多街坊幫襯支持🙂‍↕️，餐廳主打新鮮燉湯、手工餃子同埋南乳豬手。今次我地一次過點哂所有招牌野，果然名不虛傳，樣樣都掂👍🏻～♥︎ 原隻鮑魚石斛肉汁燉湯 🍲燉湯真材實料，由老板以原隻鮑魚、鳥雞、淮山、石斛新鮮等材料燉出來的。有健脾胃、滋陰、清胃火的功效，大人小朋友都岩飲。🫶🏻♥︎ 韭菜鮮肉餃🥟私心推薦～可以選蒸/湯/煎，我今次叫左蒸。餃子放係籠入面蒸，上枱時熱辣辣💨啲汁鎖住哂喺餃子入面真係好Juicy好正💦，而且餡料鮮甜～食得出係用新鮮既豬肉🐖整既。下次要試埋其他整法先🙌🏻♥︎ 南乳豬手🤌🏻豬手南乳味好出，炆得夠腍夠入味。豬手仲有豐富既蛋白質同滿滿既骨膠原，好食又有益♥︎ 香煎蘿蔔糕🥕表面煎得脆脆，入面真材實料，有蝦米仔、原條羅白絲，唔洗點醬都已經覺得好好食