友義氣‧酸菜魚

營業中

休息中

銅鑼灣區又想食小炒又想食酸菜魚, 朋友介紹呢間位於金百利廣場, 位置又方便地鐵站上蓋。入內店員講解餐牌.為我哋點菜。餐牌發現咗好多經典小菜，而且二人套餐又實惠，包酸菜魚，惹味虎皮椒，走地鹽焗雞半隻，包兩杯飲品及飯或者紅薯粉。酸菜魚小辣，個湯金黃色，喝一口酸辣惹味非常濃郁，魚肉非常滑溜，而且份量非常多。虎皮椒，用蒜頭豆豉爆香，香味撲鼻。走地鹽焗雞，皮香，而且雞味濃，雞肉仲好嫩滑。芒果梳打及荔枝梳打飲品，清新不太甜而且解渴。二人套餐都係$438，依家仲有八折優惠。店員服務非常殷勤，仲話俾我哋聽午市有粉麵仲唔收加一，晚市所有小菜都有八折。